Жаңалықтар

2021 жылдың 11–12 қараша күндері «Назарбаев Зияткерлік мектептері» ДББҰ онлайн форматта «Отбасы, мектеп және қоғамдастық: баланың мүддесі үшін қызмет етеміз» XII Халықаралық ғылыми-тәжірибелік конференциясын өткізеді.

Бүгін Педагогикалық шеберлік орталығы ұйымдастырған «Ы. Алтынсарин: тарихи идеяларды келешекке жеткізу» дөңгелек үстел жұмысына 300-ден астам қатысушы қосылды.

Белгілі отандық және шетелдік ғалымдар Ы. Алтынсариннің өмірі мен шығармашылығы жайлы ғылыми зерттеулерінің нәтижелерімен бөлісті. Жазушының өмірінен бұрын беймәлім болған деректер мен бүгінде қоғам игілігіне айналған шығармалары көпшілікке ұсынылды.

Негізгі спикерлер ретінде ғалымдар – Окленд университетінің профессоры (Жаңа Зеландия) – Говард Янгс, Ы. Алтынсарин ат. Арқалық педагогикалық институтының ректоры – Сейітбек Қуанышбаев, А. Байтұрсынов ат. Қостанай өңірлік университетінің профессоры – Серікбай Оспанов, Қостанай мемлекеттік университетінің профессоры – Алмасбек Әбсадық, Нұр-Сұлтан қ. № 59 мектеп-лицейінің қазақ тілі мен әдебиеті пәні мұғалімі – Зәмзәгүл Кенжеахметовалар баяндама жасады.

Сондай-ақ дөңгелек үстелге қатысушылар Ы. Алтынсариннің 180 жылдығына арналған «Шамшырақ» педагогикалық шеберлік онлайн алаңының (https://cpm.kz/ru/projects/shamshyrak/) цифрлық контентімен танысты.