Қызметтер экспорты
Педагогикалық шеберлік орталығы (бұдан әрі – ПШО) педагогтердің біліктілігін халықаралық деңгейде арттыру бойынша білім беру қызметтерін көрсетеді.
«Түрікменстандағы білім беру жүйесіне жәрдемдесу» жобасы 2016 жылдың соңында басталды. Жобаны Еуропалық Одақтың мақсатты бағдарламалары аясында Грекия, Германия, Ұлыбритания және Латвия консорциумы жүзеге асыруда. Бағдарламаның мақсаты Түрікменстанға білім берудің инновациялық моделін құруға көмектесу болып табылады.
Түрікменстанның Ұлттық білім беру институты мұғалімдері мен қызметкерлері арасындағы 350-ден астам қатысушылардың оң пікірлері өткізілген курстардың мазмұны мен оқыту әдістемесі тұрғысынан жоғары деңгейін растайды.
Тыңдаушылардың пікірлері:
№12 Марый этрабы Марый велаятының мамандандырылған орта мектебінің орыс тілі мұғалімі М.А. Аганазаров: «Курстар таным көкжиегін кеңейтеді, бізді өзін-өзі жетілдіруге итермелейді, кәсіби шеберлікті шыңдайды... Мұғалім студенттер мен әріптестерінің алдында өзінің құзыреттілігі мен беделін үнемі дамытып отыруы керек».
Түрікменстан Ұлттық білім беру институтының директоры Б.Б. Башимов педагогтердің кәсіби ой-өрісін кеңейтудегі Қазақстанның білім беруді дамыту стратегиясының рөлін айрықша атап өтіп, екі бауырлас халықтың одан әрі ынтымақтастығына сенім білдірді.
«Назарбаев Зияткерлік мектептері» дербес білім беру ұйымы мен Югра – Ханты-Мансийск автономиялық округінің білім және жастар саясаты департаменті арасындағы ынтымақтастық туралы келісімшарт аясында 2020 жылы «Тиімді оқыту және оқу» атты қашықтан оқыту курсы өткізілді.
«Тиімді оқыту және оқу» қашықтан оқыту курсы ACQUIN (Германия) Аккредиттеу, сертификаттау және сапамен қамтамасыз ету институтының халықаралық сертификаты бар оқыту әдістемесі мен технологиялары бойынша біліктілікті арттырудың білім беру бағдарламасы негізінде әзірленді.