2020 жылдың 06 сәуірінде Қазақстан Республикасы Білім және ғылым министірлігінің бастамасымен елорданың білім беру ұйымдарының 150 үздік пән мұғалімдері мен әдіскерлерін тарту арқылы 4 тоқсанның оқу бағдарламалары бойынша
1-11 сыныптардың оқушыларына арналған телесабақтар түсірілімі ұйымдастырылды.
Аталмыш жобада “Назарбаев Зияткерлік мектептері” дербес білім беру ұйымы Педагогикалық шеберлік орталығының менеджер-әдіскері Қалиханова Шұғыла Ерғалиқызы да қатысты.
Ол 11-сынып биология пәні бойынша «Орта факторларының әсер ету қарқындылығы, шектеуші фактор», «Қоректік тізбек және экологиялық пирамидалар», «Биогеоценоздардың ауысуы», «Антропогендік факторлар, табиғатты ластанудан қорғау», «Экологиялық білім, тәрбие, мәдениет» және т.б. тақырыптарға онлайн-сабақ сценарийлерін жасақтап, телесабақтар топтамасын өткізді.
Белсенді оқу іс-әрекетінде оқушылардың ынтасын арттыруға бағытталған қызғылықты әрі танымды сабақтар үшін, әріптесіміздің атына мұғалімдер, оқушылар және олардың ата-аналарынан көптеген оң баға берілді.
Бүгінде, оқушыларға арналған мұғалімдердің дайындаған телесабақтары "Балапан" және “Ел-Арна” телеарналарынан кеңінен көрсетіліп жатыр.