2015 жылдан бастап Педагогикалық шеберлік орталығы Дүниежүзілік Сабақты зерттеу қауымдастығы Сараптамалық кеңесінің (World Association of Lesson studies) ресми мүшесі болып танылған. Жыл сайын Педагогикалық шеберлік орталығы WALS халықаралық конференциясында қазақстандық мектептерде Lesson Study тәжірибесін енгізу бойынша ондаған зерттеулер нәтижесін ұсынады.
2022 жылдың 20-22 қыркүйегінде Малайзия астанасы Куала Лумпурда «Қоғамдастықты қолдау және сапалы білім беруді қамтамасыз ету үшін сабақты зерттеуді енгізу» тақырыбында кезекті WALS халықаралық конференциясы өтеді. Конференцияға 40-тан астам ел қатысады.
Ағымдағы жылы Педагогикалық шеберлік орталығынан 17 жұмыс іріктеліп алынып, эксперттер «Білім беру ұйымдарындағы педагогикалық практиканың тұрақты өзгерісін қамтамасыз ететін жағдайлар. Педагогикалық шеберлік орталығының рөлі» тақырыбында симпозиум ұйымдастырады.
Айта кететіні, Педагогикалық шеберлік орталығы бұған дейін Пекин WALS 2018 және Амстердам WALS 2019 конференцияларында симпозиум ұсынған болатын.