Жаңалықтар

«Назарбаев Зияткерлік мектептері» ДББҰ Педагогикалық шеберлік орталығы «Атырау облысының орта білім беру жүйесін дамытуға жәрдемдесу» жобасы аясында 2021 жылдың 22–26 қараша күндері алғаш рет 50 өңірлік тренер даярлауды жүргізеді, олар кейін Атырау қаласы мен облыс аудандарының қосымша білім беру педагогтерін оқытады.

Тренерлерді Назарбаев Зияткерлік мектептерінің педагог-сарапшылары дайындайды. Оқытуда мына тақырыптар көзделген: «Инженерлік іс (қолданбалы математика, физика, информатика)»; «Пилотсыз ұшу аппараттары», «WEB-дизайн және әзірлеу»; «Бейнепродакшн, YouTube контентін әзірлеу»; «Lego WEDO 2.0-де құрастыру»; «Дизайнерлік және сәулеттік жобалау»; «Қыш өнерінің негіздері»; «Сыртқы келбет эстетикасы»; «Әмбебап (үй) шебер».

Тоғыз элективті курс бағдарламасы Оқушылар сарайы мен балалардың шығармашылық бірлестіктері өткізетін үйірмелер, секциялар, клубтар спектрін түрлендіруге мүмкіндік береді. Аталмыш жоба үйірме жұмысының жаңа мақсаттары мен жүйесін дамытудың бастапқы нүктесі болмақ.