Форум финалының леп белгісін «Сәттілікке ие бол» бірегей лотереясы қойды. Бірегейлігі сол, барлық жеңімпаздарға Педагогикалық шеберлік орталығынан вебинарларға сертификаттар мен еліміздің барлық мұғалімдері армандайтын Lesson box қорапшасы табыс етілді.
Жолы болғандар қатарында Түркістан облысынан келген Гүлсім Елубай мен Салтанат Жалмұханова да болды, оларды Педагогикалық шеберлік орталығының директоры Жанбота Кабдыкаримова ПШО-ның @jas_ustaz_official онлайн платформасында ұйымдастырылған «Қиынды оңай қиыстыру» лайфхактар сайысында жеңіске жеткені үшін марапаттады.
MUZ Time шарасында паралимпиадашы Азамат Оразбек делегаттарға әннен шашу шашып, жігітке жеті өнер де аз деген тәмсілді тағы бір дәлелдеді.
