Жаңалықтар

Қызметкерлерді кәсіби дамыту мақсатында «Назарбаев Зияткерлік мектептері» ДББҰ Педагогикалық шеберлік орталығы 29 қараша мен 2 желтоқсан аралығында «Мектептің ұйымдастырушылық мәдениетін модельдеу» онлайн семинарын өткізеді. Спикер ретінде педагогика ғылымдарының докторы, «Экономика жоғары мектебі» Ұлттық зерттеу университеті профессоры (Ресей), білім беру саласындағы сарапшы Константин Михайлович Ушаков шақырылды.

Семинар барысында Орталықтың 50 қызметкерінің қатысуымен тренингілер, топтық және жеке жұмыстар өткізіліп, рефлексивті талқылаумен практикалық тапсырмалар орындалады. Барлық оқыту іс-шарасы кері байланыспен және спикердің ұсыныстарымен сүйемелденеді. Семинар бағдарламасында: ұйымдастырушылық өзгерістерді іске қосу тетіктері мен шарттары, ұйымның қызметтік функциясы мен проблемалық өрісі, қызметтік функцияларды жобалау ережелері және ұйымның проблемалық өрісін құрылымдау қамтылған.

Соңғы жылдары Орталық қызметкерлерінің құзыреттілігін дамыту үшін Жоғары экономика мектебінің сарапшылары біліктілікті арттыру іс-шараларын: «Ұйым құрылымы мектепте оқыту сапасын арттыру ресурсы ретінде» тақырыбы бойынша семинарлар циклі, басқарушылық командаларға арналған «Білім беру ұйымында стратегиялық жоспарлау және деректер негізінде даму бағдарламаларын іске асыру» курсын өткізді.