Қараша айында Нидерландының Зволле қаласында Педагогикалық шеберлік орталығы World Association of Lesson Studies⠀жаһандық эстафетасын ресми түрде қабылдады. WALS президенті Кэтрин Льюис пен ПШО директоры Жанбота Кабдыкаримова Дүниежүзілік сабақты зерттеу ассоциациясының халықаралық конференциясын тарихта алғаш рет посткеңестік кеңістікте – Астанада өткізу жөнінде келісімшартқа қол қойды. ⠀ ⠀
Қыркүйек айының соңында «Lesson study: aspiring to better Learning and Teaching» стратегиялық тақырыбы⠀бес күн бойы әлемнің 40-тан астам елінен келген танымал сарапшылары, ғалымдары, практик оқытушылары, докторанттарының басын қосады. ⠀ ⠀
Қазірдің өзінде WALS 2024 қатысушыларының арасында Ұлыбритания, Сингапур, Жапония, Финляндия, Малайзия, Австрия, Қытай, Америка Құрама Штаттары, Гонконг және Түркия бар.⠀ ⠀
Астана форумына қатысушыларды ресми тіркеу бірнеше күннен кейін WALS сайтында басталады (www.walsnet.org.)