«Назарбаев Зияткерлік мектептері» ДББҰ Педагогикалық шеберлік орталығы 2013 жылдан бастап мұғалімдер мен мектеп басшыларының біліктілігін арттыру курстарында оқу мен оқытуды жақсарту бойынша Lesson Study (Сабақты зерттеу) бағдарламасын ұсынады.
Сабақты зерттеу (Lesson Study) кәсіптік оқыту құралы ретінде қазіргі уақытта көптеген елде қолданылады және бүкіл әлемдегі мектептердің оқу қоғамдастығына айналуына көмектеседі.
Педагогикалық шеберлік орталығының тренерлері еліміздің жалпы білім беретін мектептері мұғалімдерінің практикасында Lesson Study тәсілін қолдану бойынша мақсатты түрде зерттеулер жүргізеді. Педагогикалық шеберлік орталығы ұйымдастырған жыл сайынғы конференциялар өз тәжірибесін және сабақ өткізу тәжірибесін бөлісу үшін еліміздің түкпір-түкпірінен зерттеушілерді, мектеп басшыларын және мұғалімдерді жинайды, қатысушыларға Сабақты зерттеуді қолдану арқылы оқытуды жақсартуға қатысты ағымдағы және шешілмеген мәселелерді талқылауға мүмкіндік береді.
Қазақстандық педагогтерге Lesson Study өткізу бойынша тәжірибе алмасу мүмкіндігін беру, әдістемелік ресурстарға, өзекті ақпаратқа қол жеткізу, яғни мұғалімдердің зерттеулерін және оқытудың тиімді практикасын ілгерілету мен дамыту мақсатында www.lessonstudy.kz сайты құрылды.