Жаңалықтар

2021 жылдың 30 маусым күні Педагогикалық шеберлік  орталығында «Назарбаев Зияткерлік мектептері» ДББҰ қызметкерлері үшін эмоционалдық мәдениетті зерделеу іс-шаралары аясында «Эмоционалдық мәдениет және тиімді іс-әрекет құру» тақырыбында онлайн вебинары өтті.

Вебинарды Пак Владимир Славдиевич, Кашкенова Зауре Төреғалиқызы, Каирова Дидар Төлемісқызы және Көпжасарова Тұрсынай Муафикқызы сынды тренерлер жүргізді. Оқыту барысында қатысушылар мына мәселелерді талқыға салды: Қызметкерлердің тиімді жұмысына қалай қол жеткізуге болады? Жұмыстағы эмоцияны қалай басқарамыз? Ақыл мен эмоцияның күші дегеніміз не? Эмоционалдық тепе-теңдікті сақтауға қандай әдістер мен жаттығулар көмектеседі?

300-ден астам қызметкер онлайн сауалнамаға қатысып, жағдаяттық тапсырмаларды талдады, өз қызметінің стилін анықтау бойынша түрлі жаттығу орындады. Тренерлер ұжымда тиімді қызметті қалыптастырудың үш әдісін, дамыған эмоционалдық интеллектінің критерийлерін және эмоцияларды бақылау әдістерін ұсынды.

Қатысушылар ұжымдағы табысты командалық жұмыс үшін қаралған мәселелердің мазмұндылығы мен қажеттілігін ерекше атап өтті.