Жаңалықтар

Мидың белсенділігін қалай жақсартуға болады?

Оны неғұрлым тиімді әрекет етуге қалай үйрете аламыз?

«Назарбаев Зияткерлік мектептері» ДББҰ қызметкерлерін корпоративтік оқыту аясында Педагогикалық шеберлік орталығы «Мидың құпиялары: жетістіктер мен мүмкіндіктер» вебинарларының кезекті сериясын іске қосты.

2021 жылдың 15 қазан күні «Мидың үштұғырлы моделі: бізді не басқарады?» тақырыбында алғашқы вебинар өткізілді. Оқу барысында тренерлер О.Ю. Тушинская, О.Г. Сурначева, К.А. Күзембаева және У.Ж. Бейсебаева вебинарға қатысушылармен бірге ми туралы білімнің біздің дамуымызға ықпалы, мидың атқаратын функциялары, мидың бізді басқаратын шартты бөліктері мәселелерін ортаға салып, талқылаулар ұйымдастырды.

Қай жағдайларда қандай тетіктердің белсенді болатыны және оны өмірде қалай қолдану керектігі туралы түсінік беретін мидың үштұғырлы моделі жан-жақты қарастырылды. Тыңдаушылар мәселеге зор қызығушылық танытып, түрлі сұрақтар қойды және ми қызметі туралы танымдық бейнежазбалар бойынша пікір алмасты.

Вебинардың топтық жұмыстарына 400-ге жуық қызметкер белсенді атсалысып, интербелсенді жаттығуларды орындады.