Жаңалықтар

Биылғы бесінші конференция жалпы білім беретін мектептердің, Нұр-Сұлтан қаласындағы Назарбаев Зияткерлік мектептері желісінің, мектепке дейінгі білім беру ұйымдарының 600-ден астам педагогтерінің және Қостанай облысындағы Лисаков қаласы мұғалімдерінің басын қосты.

Конференция педагогтер жүргізген зерттеулер бойынша 72 постер ұсынылған көрмеден бастау алды. Пленарлық бөлімде Дүниежүзілік Сабақты зерттеу қауымдастығының (WALS) құрметті Бас хатшысы, Лестер университетінің профессоры, доктор Питер Дадли қатысушыларға алғы сөзін арнап, мектептердегі Lesson Study тәсілін дамытудың маңызын және осындай диалог алаңдарында мұғалімдер арасында зерттеу нәтижелерімен алмасу мүмкіндігін атап өтті.

Конференция спикерлері мұғалімдердің өзін-өзі анықтауы және олардың зерттеу дағдыларын дамытуы (Назарбаев Университеті ЖББМ профессоры Дуйшон Шаматов), зерттеулер жүргізуге жүйелі тәсілдеме қажеттілігі (сарапшы Сапура Жолдасбаева), Қазақстандағы Lesson Study тәсілін пайдалануды зерделеу нәтижелері және мұғалімнің зерттеу практикасындағы перспективалық бағыттар (тренер Қызжібек Абдраманова) жөнінде мәселелерді қозғады.

Алғаш рет балабақшалардың меңгерушілері, әдіскерлері мен тәрбиешілері үшін «Балабақшадағы "балаларға арналмаған" зерттеулер» секциясы ұйымдастырылды. Секциялық алаңдарда алты түрлі бағыт бойынша 85 сөз сөйленді. Конференция соңында қатысушыларға сертификаттар, ал Қазақстандағы Lesson Study тәсілін белсенді насихаттайтын мектептерге алғыс хаттар табыс етілді.

Конференцияның суреттерін төменгі сілтемеден қарай аласыздар
ФОТОГРАФИЯ