Жаңалықтар

2022 жылы 29 сәуір күні қызметкерлерді кезекті корпоративтік оқыту өткізілді. Алдымен, бірінші тренингіден кейінгі өзгерістер сарапқа салынып, күйзеліс түрлері, адамның мінез-құлқындағы күйзеліс реакциялары, белгілері және оның алдын алу тәсілдері анықталды.Тренинг мақсаты күйзеліс жағдайында физикалық және психикалық күш-жігерді қалпына келтіру үшін сыртқы және ішкі ресурстарды белсендіру жолдарын үйрету болды. Тренерлер Камила Күзембаева, Сәуле Журунтаева және Сара Ұлтанбаева күйзеліс кезеңдерін, атап айтсақ, мазасыздық, қарсылық таныту, сарқылу кезеңдерін, сондай-ақ оның жедел, эпизодтық жедел және созылмалы түрлерін талқылады. Күйзеліс жағдайында адам бойында кездесетін «қоян», «арыстан» және «өгіз» секілді реакция түрлері қарастырылды.«Мен және күйзеліс», «Менің өмірімдегі күйзеліс» сияқты практикалық жаттығуларға бірдей көңіл бөлінді, сонымен қатар күйзеліске түскен кезде не болады және созылмалы күйзеліс денсаулыққа қалай әсер етеді деген сұрақтарға ғылыми жауаптар берілді. Қорытындылай келе, тренерлер жедел күйзелістен өзін-өзі емдеудің 5 әдісін ұсынды.